“Kulturak egiten gaitu, kultura egiten dugu” ikastaroa

Asteazkena, 2016ko uztailaren 13a

Datorren irailaren hasieran, 5etik 7ra, ikastaro interesgarri bat izango da Iruñean, Condestable jauregian. Nafarroako Unibertsitatearen udako ikastaroetako bat izango da eta Emuneko kideok parte hartuko dugu emaile gisa. Izen-ematea irekita dago ikastaroen web gunean bertan.

Condestable

Parte-hartzea oinarri duen aro berrian gaude

Asteazkena, 2016ko ekainaren 22a

Aurreko astean, Kultur kudeaketaren III. Kongresuan elkartu ginen Atarrabiako Kultur Etxean eta Emunekoak ere han izan ginen.

Nafarroako Kultur Kudeaketako Profesionalen Elkarteak antolatutako Kongresu honetan 10 hizlarik parte hartu zuten ondorengo gai hauen bueltan aritzeko:

  • Kultur politikak eta herritarren partaidetza.
  • Parte hartu, elkarrekin lan egin, eraldatu.
  • Proiektuak eta esperientziak.

Hizlari bakoitzak bere azalpenak eman ondoren, mahai-inguruen bidez  galderak egin eta euren aipamenetan sakontzeko aukera egon zen.

Hemen bildu ditugu hizlari batzuek nabarmendutako zenbait ideia.NafarroakoIIIkongresua2016

Herritarren partaidetza eta Kultura. Nafarroako kultur kudeaketaren III. Kongresua.

Asteazkena, 2016ko maiatzaren 25a

Datorren ekainaren 14an eta 15ean Nafarroako kultur kudeaketaren III. Kongresua izango da Atarrabiako kultur etxean.

Nafarroako Kultur Kudeaketaren Profesionalen Elkarteak antolatu du kongresua eta parte-hartze interesgarriak iragarri dituzte. Antolatzaileek diotenez “Demokratizazio kulturalean oinarritutako politika kulturalak, kultur eskaintzarako sarreran zentratuak, agortzear daude eta ondasun komunen kudeaketan oinarritzen diren agertoki berriek, herritarren parte-hartze eta erantzunkidetasun prozesuak exijitzen dituzte kultur politika berrietan”.

Kultura politikak: ibilbidearen bukaera ala geltoki berria?

Asteazkena, 2016ko maiatzaren 4a

Izenburu bereko artikulua irakurri genuen apiril erdialdean Interaccióren web gunean eta interesgarria iruditu zaigu hona ekartzea, kultura kudeaketak eta kultura politikek bizi duten egoeraren inguruko gaurkotasunezko hainbat gai aipatzen direlako.

train station

Kultur kudeaketaz kongresua Valentzian

Asteazkena, 2016ko apirilaren 13a

Irailaren 29an eta 30ean kongresu interesgarria egingo da Valentzian, Kultur kudeaketaren II. Kongresua. Dagoeneko irekita dago izena emateko epea (apirilaren 30 arte merkeago).

banner-web_inicio_fechas-29-30sept

Kongresuaren helburua da kultur kudeaketak bizi duen errealitateaz jabetzea arlo guztietan. Eta aurtengoan, bereziki, inplikatutako agenteak harremanetan jarriko dituen mapa bat eraikitzeko klabeak ematea: erakunde publikoak, enpresa pribatuak, gizarte zibil antolatua eta, batez ere, publikoa.

Kongresuko egitaraua dagoeneko argitaratu dute, baina abstractak eta komunikazioak aurkezteko epea zabalik dago apirilaren 30 arte.

Emakumeak bigarren mailako publikoa

Asteazkena, 2016ko martxoaren 16a

Artikulu interesgarria irakurri diogu emakumeen eta kulturaren arteko harremanean aditua den  Mª Ángeles Cabré idazleari.  Azkenaldian kultur arloko gune askotan azaldu da publikoarekiko kezka eta blog honetan bertan ere aritu gara gaiaz.  Artikulu honetan feminismoaren begietatik heltzen zaio gaiari eta oso azalekoa den baieztapen batean oinarrituta hausnarketa benetan interesgarriak egiten ditu. Baieztapena honako hau da: kulturako publikoan emakumeak gehiengoa dira, baina edukietan eta beste arlo batzuetan gutxiengo gisa tratatzen dira.

16800904336_8125645329_o                                                                                                   Iturria:  Flickr Egilea: Ged Carroll

Zinc shower 2016, eraldaketa sortzailearen meeting showa

Asteazkena, 2016ko otsailaren 24a

ZincShower

Aurtengo udaberrirako ere Zinc shower ekimenak 4 eguneko topaketa antolatu du. Aurten tokiz aldatu dira eta COAMen izango da (Colegio Oficial de Arquitectos De Madrid) maiatzaren 19an eta 20an. Urtez urte kopurutan eta kalitatean hazten ari den ekimena da. 200 erakuslek aurkeztu zituzten euren proiektuak iaz, 500 hizlari izan ziren eta 10.000 lagun bisitari.

Kultura politikak kulturako politikariei itxaron gabe

Asteazkena, 2016ko otsailaren 3a

Artikulu interesgarria argitaratu zuen joan den astean Pilar Gonzalok, Foro de cultura y buenas prácticas ekimenaren sustatzaileetako batek.

Godot_aGonzalo beldur da Espainiako hauteskunde orokorren ondoren kultura, beste behin, zereginen eta garrantzizkoen zerrendan behera xamar geratuko ote den. Kultura sektoreak berak ere eskaera ekonomikoak egin omen ditu, nagusiki, azkenaldian: kulturaren BEZa, pirateria, mezenasgoaren legea… Eta horri gizartearen pasibotasuna gehitzen badiogu, Gonzalok Godoten esperoan istorioarekin parekatzen du egoera eta aurreikusten du gizarteak aurrerapausoak egin ezean halaxe pasatuko direla legegintzaldiak eta urteak.

Kultura industriaren eragina munduan: mapak, datuak eta beste kontu batzuk

Asteazkena, 2016ko urtarrilaren 13a

Interaccióren web gunearen bidez CISACen (Confederación Internacional de Sociedades de Autores y Compositores) argitalpen baten berri izan dugu. Kultura industriaren mundu osoko azterketa egin du lehen aldiz erakundeak eta herrialdeen ekonomian duten eragina jaso du txosten interesgarri batean.

Hamaika arlo aztertu dituzte: publizitatea, arkitektura, literatura, bideo-jokoak, musika, zinema, prentsa idatzia, arte eszenikoak, irratia, telebista eta arte bisualak. Eta mundua bost zatitan banatu dute datuak emateko: Asia Pazifikoa, Europa, Ipar Amerika, Latinoamerika eta Afrika eta Ekialde hurbila.

Urte berri on!

Asteartea, 2015eko abenduaren 22a

Emuneko Kultura zerbitzuetako lantaldearen izenean, urte berri on!
my tree in winter(joiseyshowaa erabiltzailearen argazkia, Flickr plataformatik CC lizentziaz hartua)