KARRASKANek antolatuta, “Euskadiko kultura berrikuntza ekosistema: oraina eta etorkizunak” jardunaldia izan zen atzo, abenduak 15, Donostiako Tabakaleran, eta EMUNeko kideak ere bertan izan  ginen.

Egun osoko topaketa izan zen, agenda estuarekin. Goizean hainbat esperientziaren berri izan genuen kultur sortzaile eta eragileen eskutik eta zenbait administraziotako ordezkarien eskutik. Batzuk aipatzeko, han izan genituen Roberto Gomez de la Iglesia (Conexiones Improbables), Ane Rodriguez (Tabakalera), Jose Luis Ibarzabal (Eusko Jaurlaritzako Kultura Sustapenerako Zuzendaritza), Lucia Grana (BEAZ eta Bizkaia Sortzailea), Iñigo Olaizola (Donostiako Sustapena), Ismene Tapia (Irungo Udala), etab.

(Karraskan proiektuaren aurkezpena, @ColaBoraBora-k ateratako argazkian)

Irakurtzen jarraitu...

Aurreko astean, II. Kulturaren Konferentzian elkartu ginen ehun pertsonatik gora Iruñeko Baluarten eta Emunekoak ere han izan ginen.

Espainiar Estatuko Kultur Kudeatzaileen Federazioak antolatutako konferentzia honetan 12 hizlarik parte hartu zuten, ondorengo 5 gai hauen bueltan:

  • Krisi ekonomikoa, ongizate estatua eta gobernantza.
  • Gailentzen ari diren kultur politikak.
  • Kudeaketa ereduak: joerak eta aukerak.
  • Arteak eta kulturaren finantziazioa.
  • Kultur eskubideak eta parte hartze kulturala.

Irakurtzen jarraitu...

Ekainaren 12an, bigarrenez, Durangon elkartu ginen kultura arloko sortzaile, kudeatzaile, eragile eta beste hainbat lagun, Emun tartean zela. Lantaldeetan banatu ginen, eta gu, Emunekook, Euskara eta kultura lantaldean aritu ginen. Hiru erronka nagusi agertu ziren gurean.

Guk geure kulturaz II.topaketaren irudia, Berria-tik hartua.

Irakurtzen jarraitu...

Aurreko sarreran Geuk gEUre Kulturaz topaketaren berri eman genuen, Emun ere bertan egongo zela esanez. Oraingoan topaketan bizi izandakoa ekarri dugu eta parte hartu genuen taldeetan gailendutako hausnarketak azaldu ditugu, besteak beste, euskal kulturaren norabidea eta lehentasunak zehazteko gune bat martxan jartzea.

Irakurtzen jarraitu...

 

2011ko udaberrian Tolosako Udalak herriko kultur eragileen parte hartzearekin kultura plana definitu zuen. Gipuzkoako Foru Aldundiak lagundutako egitasmoa izan zen, eta hainbat saioren ondoren zer nolako Tolosa nahi zuten erabaki zuten. Plan horri tiraka, 2012an Tolosako Udalak kultur eragileei elkartzen hasteko baliabideak eskaini dizkie.

Irakurtzen jarraitu...

 

Kulturaren balioa jardunaldia egingo dute urriaren 4an, ZAWP Bilbaok Zorrotzaurren duen pabilioian. Sormen Lantegiei buruzko III Jardunaldia eta Enplegu eta sormen eta kultura industrien II jardunaldia hartuko ditu bere baitan egunak, 9:00etatik 18:45ak arte. Jardunaldiak gaur egungo kulturaren egoera eta etorkizuneko ikuspegia modu erreflexibo eta pragmatiko batean landu nahi ditu. Gure gizartean kulturak duen balioa aztertu nahi da eta era berean baita etorkizunera begira dituen aukerak ere.

 

Irakurtzen jarraitu...

 

Kabia Espazio Kreaktiboa Pontika auzoan dagoen orube batean (Barandiaran parkea izango denean) jarriko den egitura arkitektonikoa izango da, 30×15 metroko azalera edukiko duena. Egitura horren pean egongo da KABIA, sormen eta elkarlanerako espazioa. Egitura bera lauzpabost hilabetez egongo da jarrita, baina Kabia iraunkor izateko bokazioz jaio omen da.

Irakurtzen jarraitu...

 

Valentziako Unibertsitateko Kulturaren eta Turismoaren Ekonomia Ikertzeko Unitateak ikerketa egin du. La cultura como factor de innovación económica y social” izeneko txostena osatu du eta bertan adierazten duenez, kultura eta sormena hazkundearen motorrak dira.

Irakurtzen jarraitu...

 

Ahotseneak Sortzaileon I. Topaketak antolatu ditu Azpeitian uztailaren 2an eta 3an.

Topaketa horrekin elkar ezagutzea, elkarren berri izatea eta horrekin batera gaur egungo egoerari buruz hausnartzea lortu nahi da. Eta zergatik ez, helburu batzuk ere finka daitezke.

Lehen egunean gaur egungo diagnostikoa egingo dute, bakoitzak bere kultura adierazpidetik, bakoitzak bere bizipenetatik. Bigarren eguneko hausnarketan antolaketa jorratuko dute, hots, sortzaileek euren burua nola antola dezaketen.

Irakurtzen jarraitu...

 

Les Rencontres kulturaren aldeko Europako lurralde eta hirien elkarteak argitaratu du liburu zuri hau. Elkarte horren kideen, hau da, Europako lurralde horietako lider politikoen eta kultur arloko profesionalen hausnarketak eta proposamenak aurki ditzakegu bertan. 2004an atera zen liburu berdearen jarraipena dela diote egileek.  Lanaren helburua gaur egungo egoerari erantzutea da, baina era berean etorkizunerako tresna izan nahi duela azpimarratu dute. 10 artikuluz osatutako liburua da, besteak beste gai hauen ingurukoak direnak: kultur aniztasuna, kultur trukea eta mugaz gaindiko lankidetza, kultura eta garapena, eta deszentralizazioa. Praktika onez osatutako atal handi bat ere erantsi dute.

Irakurtzen jarraitu...